Mitrovicë: Komuna ndanë 465 mijë euro për familjet e prekura nga vërshimet e janarit

Komuna e Mitrovicës ka ekzekutuar të enjten pagesat për familjet e prekura nga vërshimet në këtë qytet.

186 familje kanë përfituar nga 2500 euro, thuhet në një njoftim të komunës.

“Drejtoria e Financave bazuar në propozimin e kryetarit të komunës, z. Bedri Hamza, dhe vendimin e asamblesë komunale për ndarjen e 2500€ për ekonomitë familjare që kanë pësuar dëme si pasojë e vërshimeve të janarit në komunën e Mitrovicës, pas pranimit të listës nga komisioni sot ka bërë ekzekutimin e mjeteve financiare në llogaritë bankare të përfituesëve.”

Në total komuna thot se ka ndarë e mjeteve që ka ndarë komuna pë 465,000.00 euro.

Qyteti i Mitrovicës ishte ndër qytetet më të prekura nga përmbytjet janarin e këtij viti.

Rreth 9 milion euro dëme u shkaktuan nga vërshimet në ekonomi familjare, bisnese, institucione dhe në bujqësi si pasojë e daljes nga shtrati të lumenjëve Ibër e Lushtë.