Çmimi Lah Nimani

Çmimi “Lah Nimani” do të jepet edhe sivjet në Mitrovicë.

Komuna e Mitrovicës veçse ka hapur thirrjen për të aplikuar për këtë çmim prestigjoz  që nderon kontributet në fushën e sportit.

Nëpërmjet një njoftimi komuna ka njoftuar se të drejtë aplikimi kanë të gjithë sportistët e shquar që kanë dhënë kontribut të veçantë në sport por edhe të gjitha institucionet e sportit, klubet, shoqatat dhe grupet sportive që përfaqësojnë nivelet më të gjera të komunitetit.

Aplikacionet duhet të shoqërohen me biografi përkatëse, dokumentë, dëshmi dhe vlerësime të nevojshme të veprimtarisë së personalitetit të propozuar. Dorëzimi i tyre bëhet në zyrën pritëse të Kuvendit të Komunës.

Përzgjedhjen e fituesit e bënë komisioni i përzgjedhur nga Kuvendi Komunal.
Fituesi i çmimit “Lah Nimani” do të shpërblehet me 1 mijë euro.

Afati për aplikim është 7 ditë nga data e shpalljes së këtij njoftimi (njoftimi është shpallur me 13 Janar 2025).
Kujtojmë se vitin e kaluar çmimi “Lah Nimani”, i është ndarë futbollistit dhe donatorit të mirënjohur, Ferki Hajra.