U shënua 26 vjetori i Epopesë së Mazhiqit

U shënua 26 vjetori i Epopesë së Mazhiqit

Nënkryetari i komunës, z.Arian Tahiri, së bashku me drejtorët e drejtorive komunale kujtuan dhe nderuan heroizmin dhe trimërinë e treguar nga shaljanët e UÇK-së, në 26 vjetorin e Epopesë së Mazhiqit.

Pjesë e homazheve ishin edhe përfaqësues të shoqatave të dala nga Lufta e UÇK-së, Ish-komandanti i Forcës së Sigurisë së Kosovës (FSK), gjenerallejtënant z.Rrahman Rama, si dhe familjarë të dëshmorëve.

Me këtë rast nënkryetari z.Tahiri tha se familjarëve u shtrënguam duart duke i lutur për forcë, pasi vepra e bijve të tyre e ka forcuar gjithë Kosovën.

“Qoftë i përjetshëm kujtimi i të rënëve në Betejën e lavdishme në Mazhiq”, është shprehur ndër tjerash nënkryetari z.Tahiri.