U mbajt sesioni për grante të mbështetjes së grave dhe të rinjve në Komunën e Mitrovicës

U mbajt sesioni për grante të mbështetjes së grave dhe të rinjve në Komunën e Mitrovicës

Sot, në sallën e Kuvendit Komunal të Mitrovicës, u mbajt sesion për skemën e granteve, që synon të mbështesë gratë dhe të rinjtë të riatdhesuar.

Kjo iniciativë është e financuar nga German Cooperation dhe Komuna e Mitrovicës, dhe është një hap i rëndësishëm drejt përmirësimit të kushteve të jetesës së qytetarëve.

Drejtori i Zhvillimit Ekonomik, z. Elvis Feka, ka thënë se ky program do të mundësojë mbështetjen e grave dhe të rinjve me grante deri në 2500€, si një ndihmë për këto grupe të shoqërisë.

Drejtori, z. Feka gjithashtu siguroi se Komuna e Mitrovicës do të kryejë kontributin e saj për zbatimin e suksesshëm të kësaj skeme dhe për të siguruar që të gjithë ata që kualifikohen për grante, të përfitojnë.