U mbajt mbledhja e radhës e Kuvendit Komunal të Mitrovicës

U mbajt mbledhja e radhës e Kuvendit Komunal të Mitrovicës

Nën drejtimin e kryesueses, znj. Vesa Broja, dhe në prani të kryetarit të komunës, z. Bedri Hamza, asamblistëve dhe drejtorëve komunal, sot është mbajtur seanca e 20-të e rregullt e Kuvendit të Komunës.

Në fillim të kësaj seance, kryesuesja znj. Broja, propozoi rendin e ditës për miratim, me ç’ rast këshilltarët komunal me shumicë votash aprovuan këtë rend dite.

Në vazhdim u miratuan këto pika; Miratimi i procesverbaleve nga mbledhjet e kaluara; Rregullorja për Kodin Etik të stafit menaxherial të mësimdhënësve dhe personelit tjetër arsimor në Komunën e Mitrovicës së Jugut; Kodi i Etikës së Komunës së Mitrovicës së Jugut; Propozim /Vendim- Për dhënien e pronës së paluajtshme të Komunës në shfrytëzim afatgjatë për Ministrinë e Punëve të Brendshme, pa procedurë konkurrimi; Propozim/Vendim-Për dhënien e pronës së paluajtshme të Komunës në shfrytëzim afatgjatë për Agjencinë e Kosovës për Inteligjencë, pa procedurë konkurrimi; Propozim/Vendim-Për këmbimin e pronës së paluajtshme të Komunës me pronën e paluajtshme në pronësi private të personit fizik Gëzim Mikullovci; Propozim/Vendim-Për këmbimin e pronës së paluajtshme të Komunës me pronën e paluajtshme në pronësi private të personit fizik Ali Emini; Kërkesë për transfer dhe rialokim të mjeteve financiare; Raporti financiar Janar-mars 2023.

Ndërsa, në mbledhjen e radhës së KK-së do të kalojnë për diskutim pikat në vijim: Projekt Rregullorja për fillimin dhe mbarimin e orarit të punës së veprimtarive afariste dhe veprimtarive tjera në Komunën e Mitrovicës së Jugut; Raporti i punës së DAP-së për vitin 2022; Raporti i punës së DGJKP-së për vitin 2022; Raporti i punës së DI-së për vitin 2022; Raporti i punës së DMMP-së për vitin 2022; Raporti i punës së DMS-së për vitin 2022; Raporti i punës së DSH-së për vitin 2022; Raporti i punës së DBZHR-së për vitin 2022; Raporti i korrje shirjeve për vitin 2022; Planifikimi dhe realizimi i mbjelljeve pranverore për vitin 2022; Raport i mbjelljeve vjeshtore për vitin 2022.