Qendra Kryesore e Mjekësisë Familjare në Mitrovicë shënon Ditën Ndërkombëtare të Luftës Kundër Drogave

Qendra Kryesore e Mjekësisë Familjare në Mitrovicë shënon Ditën Ndërkombëtare të Luftës Kundër Drogave

Dita Ndërkombëtare e Luftës Kundër Abuzimit të Drogave dhe Trafikimit të Paligjshëm, synon përforcimin e veprimit dhe bashkëpunimit për krijimin e një jete të lirë nga abuzimi me drogat.

Me këtë rast infermierët e edukimit shëndetësorë në kuadër të QKMF-së në Mitrovicë mbajtën ligjerata në disa shkolla të mesme të ulta dhe të mesme të larta për të shënuar Ditën Botërore Kundër Drogës dhe për të ndihmuar në rritjen e ndërgjegjësimit për këtë problem të madh që paraqesin drogat ilegale për shoqërinë.

Personeli shëndetësor i QKMF-së i përkrahur në vazhdimësi nga Drejtoria për Shëndetësi vazhdon të organizojë aktivitete të edukimit shëndetësor dhe promovimit të shëndetit për mbrojtjen e të drejtës për shëndet të grupeve më të cenueshme, përfshirë këtu fëmijët dhe të rinjtë, njerëzit që përdorin droga, personat me sëmundje të lidhura me drogën dhe sëmundje të tjera .

Parandalimi dhe trajtimi është i mundur. Njerëzit që kanë problem për shkak të abuzimit dhe varësisë nga substancat psikoaktive duhet të kontaktojnë mjekun e familjes, dhe bashkë me të të shqyrtojnë mundësitë e dhënies së ndihmës profesionale.

Drejtoria për Shëndetësi vazhdon në mbështetjen e aktiviteteve për të mirën e qytetarëve.