Përurohet këndi i lojërave në lagjen “Adem Voca”

Drejtori i Drejtorisë për Urbanizëm dhe Planifikim Hapësinor, Edison Tërnava, së bashku me ambasadorin e Austrisë në Kosovë, z. Christoph Weidinger kanë vizituar të rinjtë në lagjen “Adem Voca” në Mitrovicë.

Arsyeja e kësaj vizite ishte për të parë nga afër rezultatet e projektit të implementuar për të rinjtë e komuniteteve në këtë lagje, si dhe njohja nga afër e sfidave me të cilat ballafaqohen ata.

Drejtori Tërnava së bashku me ambasadorin austriak z. Weidinger kanë bërë përurimin e këndit të lojërave në lagjen “Adem Voca”, ku kjo hapësirë është dhënë në shfrytëzim nga Drejtoria për Urbanizëm, ndërkaq projekti është realizuar me mbështetje të UNICEF-it.

Gjatë takimit me ambasadorin austriak, drejtori Tërnava ka kërkuar nga ai që të kenë bashkëpunim në ngritjen e kapaciteteve për krijimin e infrastrukturës së duhur në këtë lagje.