Përkujtohet dëshmori Adnan Shyti- Adi në 25 vjetorin e rënies

Përkujtohet dëshmori Adnan Shyti- Adi në 25 vjetorin e rënies

Me rastin e 25 vjetorit të rënies së dëshmorit, Adnan Shyti- Adi, përfaqësues komunal, shoqatat e dala nga Lufta e UÇK-së, qytetarë dhe familjarë sot kanë përkujtuar veprën dhe sakrificën e ish ushtarit të njohur të Njësisë Speciale të Zonës Operative të Shalës.

Nënkryetari z. Arian Tahiri, së bashku me drejtorë të drejtorive komunale kanë nderuar dëshmorin, Adi, duke vendosur kurora lulesh pranë vendit të rënies së tij në fshatin Pirç.

Në fjalën e tij, nënkryetari z.Tahiri ka vlerësuar lartë kontributin e dëshmorit Adnan Shyti, i cili tha se vepra e tij padyshim që na bënë krenar të gjithëve, sepse ai dha jetën e tij për të mirën e atdheut e kombit, sidomos për të mirën e qytetit tonë.

Adnan Shyti ishte ushtar i Njësisë Speciale të Zonës Operative të Shalës, të cilën njësi e udhëhiqte komandanti, Bekim Shyti.