Përfundojnë procedurat e tenderimit, QKMF e Mitrovicës furnizohet me oksigjen

Foto ilustrim

Në tre vjetët e ardhshme furnizimi me oksigjen nuk do të jetë preokupim për Qendrën Kryesore të Mjekësisë familjare në Mitrovicë.

Kështu ka bërë të ditur Drejtoria e Shëndetësisë në Komunën e Mitrovices e cila tha se pas procedurave të tenderimit, Qendrat e Mjekësisë Familjare dhe të gjitha ambulantat në Mitrovicë janë furnizuar me oksigjen.

“Për tri vitet e ardhshme Qendra Kryesore e Mjekësisë Familjare “Dr. Nexhat Çuni” do të ketë furnizim të rregullt dhe të qëndrueshëm me oksigjen. Drejtoria për Shëndetësi, pas përfundimit me suksese të procedurave të tenderimit njofton të gjithë qytetarët e Komunës së Mitrovicës, që është bërë furnizimi me oksigjen për Shërbimet e Kujdesit Parësor Shëndetësor, në QKMF, QMF dhe AMF-të e Komunës së Mitrovicës.
Qendra Kryesore e Mjekësisë Familjare si dhe të gjitha autoambulancat janë të furnizuar me oksigjen, e cila do ta lehtësojë punën e stafit shëndetësor duke u bazuar në rendësinë e madhe që ka oksigjeni për shpëtimin e jetës së njeriut.
Drejtoria për Shëndetësi, zotohet se do të jetë gjithmonë në shërbim të qytetarëve duke u angazhuar për përmirësimin e gjendjes së shërbimeve shëndetësore në Komunën e Mitrovicës,” thuhet në njoftimin e Drejtorisë së Shëndetësisë.