Përfaqësuesit komunal nderuan dëshmorët e kombit në 26-vjetorin e Epopesë së UÇK-së

Përfaqësuesit komunal nderuan dëshmorët e kombit në 26-vjetorin e Epopesë së UÇK-së

Në nder të Epopesë së lavdishme të UÇK-së dhe rënies heroike të Komandantit Legjendar Adem Jashari dhe familjes Jashari, kryetari i komunës, z.Bedri Hamza, së bashku me drejtorë të drejtorive komunale sot kanë bërë homazhe dhe kanë vendosur kurora lulesh tek varrezat e dëshmorëve në Shipol.

Pjesë të këtyre homazheve ishin edhe përfaqësues nga shoqata e veteranëve të luftës nga qyteti Rovinj i Kroacisë.

Gjithashtu homazhe kanë bërë edhe përfaqësues të organizatave të dala nga lufta e UÇK-së, përfaqësues të Forcës së Sigurisë së Kosovës dhe familjarë të dëshmorëve.

Me këtë rast, kryetari i komunës, z.Bedri Hamza, ka thënë se Epopeja e UÇK-së është një nga kapitujt më frymëzues të historisë sonë kombëtare.

“Kujtojmë dhe çmojmë lart sakrificën e të gjithë atyre që nuk kursyen asgjë, as jetën”, është shprehur ndër tjerash kryetari z.Hamza.

Epopeja e UÇK-së, me 5,6 dhe 7 mars e vitit 1998 është data më e rëndësishme për historinë e vendit tonë e cila i dha vulë lirisë dhe pavarësisë së Kosovës.