Nga sot fillon vaksinimi kundër gripit sezonal

Nga sot fillon vaksinimi kundër gripit sezonal

Drejtoria për Shëndetësi, njofton të gjithë qytetarët e Komunës së Mitrovicës, që Qendra Kryesore e Mjekësisë Familjare është furnizuar me vaksinat kundër gripit sezonal.

Grupet me prioritet për tu vaksinuar janë;
Personat mbi moshën 65 vjeçare,
Personat me sëmundje kronike,
Punëtorët shëndetësor,
Gratë shtatzëna
Fëmijët me imunitet të dobësuar.

Vaksinimi ka filluar sot dhe vaksinat mund të merren në Njësinë e Vaksinimit në Qendrën Kryesore të Mjekësisë Familjare “Dr. Nexhat Çuni” si dhe në Qendrat e Mjekësisë Familjare në: Iliridë, Bair 1, Bair 2, Zhabar, Vaganicë, Shupkovc, Bare, Stantërg, Tunel i Parë si dhe në Ambulantat e Mjekësisë Familjare: Gushavc, Kodra e Minatorëve, Kçiq i Madh dhe në Fidanishte.

Luteni që me vete të keni letërnjoftimin apo ndonjë dokument tjetër identifikues, si dhe shërbimin ta merrni në qendrën tuaj.