Nënkryetari Tahiri mori pjesë në “Forumin Ekonomik Gjermano-Kosovar”

Nënkryetari Tahiri mori pjesë në “Forumin Ekonomik Gjermano-Kosovar”

Nënkryetari i komunës, Arian Tahiri, së bashku me drejtorin për Ekonomi dhe Zhvillim, Elvis Feka dhe drejtorin për Bujqësi dhe Zhvillim Rural, Ferdi Kadriu, kanë marr pjesë në ceremoninë e hapjes së Forumit Ekonomik Gjermano- Kosovar 2022.

Ky forum është organizuar nga Oda Ekonomike Gjermano-Kosovare dhe Komiteti Lindor i Ekonomisë Gjermane (Ost-Ausschuss der Deutschen Wirtschaft) me përkrahje të Qeverisë së Republikës së Kosovës. Fokusi kryesor i këtij forumi ishte nxitja e investimeve në fushat me potencialin më të madh në Kosovë.

Gjithashtu vlen të theksohet se një grup investitorësh gjerman do të vizitojnë Komunën e Mitrovicës me datën 07.07.2022, të cilët do të priten në takim nga kryetari i komunës, Bedri Hamza.