Në Mitrovicë do të formohet Këshilli i Pacientëve

Një mekanizëm formal i QKMF-së, që përfshinë pacientët në vendimmarrje do të formohet së shpejti në Mitrovicë.

Bëhet fjalë për Këshillin e Pacientëve. Ky mekanizëm u mundëson pacientëve përfshrijen në vendimmarrje në mënyrë që të punojnë së bashku me institucionet dhe stafin shëndetësor për të rritur cilësinë dhe sigurinë e shërbimeve shëndetsore për pacientët dhe komunitetin.

Për këtë formimin e këtij këshilli u nënshkrua edhe një memorandum bashkëpunimi ndërmjet Drejtorisë për Shëndetësi në Komunën e Mitrovicës dhe Shoqatës për të Drejtat e Pacientëve në Kosovë (PRAK).

Themelimi i Këshillit të Pacientëve është i rregulluar edhe më Statutin e ri të QKMF-së, që u miratua të mërkurën nga Kuvendi Komunal të Mitrovicës.

Marrëveshja u nënshkrua nga z.Fahri Shabani, drejtor i Drejtorisë për Shëndetësi dhe z.Ruzhdi Rexha, drejtor ekzekutiv i PRAK-ut. Të pranishëm në ceremoninë e nënshkrimit ishin edhe zyrtarët e DSH-së dhe QKMF-së.

“Drejtoria për Shëndetësi dhe QKMF-ja në procesin e themelimit dhe funksionalizimit të Këshillit të Pacientëve do të përkrahet edhe nga AQH, një organizatë tjetër partnere që mbështet në vazhdimësi shëndetësinë primare të Mitrovicës,” thuhet në një njoftim të Komunës së Mitrovicës lidhur me këtë çështje.