Mitrovicë: Prindërit kërkojnë mbështetje insitucionale dhe kushte më të mira për fëmijët me nevoja të veçanta

Përfaqësues të prindërve të fëmijëve me nevoja të veçanta nga organizata “Handikos” kërkuan mbështetje institucionale si dhe ofrimin e kushteve më të mira për fëmijët me nevoja të veçanta, në mënyrë që të ndjehen të barabartë në shoqëri.

Këto kërkesa ata i bënë gjatë një takimi që patën me nënkryetarin e komunës së Mitrovicës Arian Tahiri dhe drejtorin për Siguri dhe Emergjenca në komunë Bahtir Maxhuni.

Në njoftimin për media të komunës thuhet se nënkryetari Tahiri, ofrojë gatishmërinë e tij në mbështetje të kësaj kategorie, duke theksuar përkrahjen e dhënë nga komuna për organizata të cilat mbrojnë të drejtat e personave me nevoja të veçanta, qoftë me projekte apo përmes ofrimit të kushteve dhe integrimit të tyre në shoqëri.