Kubëzohet rruga “Molla e Kuqe” në Frashër të Mitrovicës

Ka filluar kubëzimi i rrugës “Molla e Kuqe” në Frashër, projekt i Drejtorisë së Infrastrukturës në Komunën e Mitrovicës.

Fillimin e këtyre punimeve ka dalë për t’i parë nga afër drejtori për Infrastrukturë Granit Tmava.

Tmava takoi banorët e këtij fshati të cilët edhe e falënderuan për investimet nga ana e komunës.

Tmava ka thënë se komuna do të vazhdoj edhe më tutje të mbështesë kërkesat dhe realizimin e nevojave të banorëve në zonat e ndryshme të Mitrovicës, me qëllim të krijimit të kushteve sa më të mira për jetë.