Kryetari z.Bedri Hamza ndan mirënjohje për organizatën “Qatar Charity”

Kryetari z.Bedri Hamza ndan mirënjohje për organizatën “Qatar Charity”

Kryetari i komunës, z.Bedri Hamza, sot ka pritur në takim drejtorin e Organizatës “Qatar Charity” Zyra në Kosovë, z. Esam Dabab, së bashku me bashkëpunëtorë.

Në këtë takim kryetari z.Hamza ka falënderuar drejtorin e organizatës në fjalë, z.Dabab, për kontributin dhe solidaritetin e treguar gjatë përballjes me vërshimet, duke i dalë në ndihmë Komunës së Mitrovicës.

Në shenjë falënderimi për humanitetin dhe mbështetjen e dhënë ndaj familjeve të prekura nga vërshimet, kryetari z. Bedri Hamza, ka nderuar drejtorin e “Qatar Charity”, z. Dabab, me një mirënjohje.

Gjatë takimit u diskutua edhe për përgatitjet e fundit për dhurimin e 40 shtëpive përfituesve të cilët janë përzgjedhur nga komisioni përkatës.

Në fund ata u dakorduan për thellimin e bashkëpunimit në implementimin e projekteve të përbashkëta që kanë ndikim në përmirësimin e kushteve të jetesës tek qytetarët dhe në zhvillimin ekonomik të qytetit.