Kryetari Hamza priti në takim kryebashkiakun e Inegylit, Alper Taban

Kryetari Hamza priti në takim kryebashkiakun e Inegylit, Alper Taban

Kryetari i Komunës së Mitrovicës, z. Bedri Hamza, së bashku me drejtoreshën e Drejtorisë për Kulturë, Rini dhe Sport, znj. Valdete Idrizi, gjatë ditës së sotme ka pritur në takim një delegacion nga shteti turk, të prirë nga kryetari i Bashkisë së Inegylit, z. Alper Taban.

Kryetari Hamza dhe kryebashkiaku Taban e kanë vlerësuar shumë të rëndësishëm bashkëpunimin në mes të Mitrovicës dhe Inegylit, me të cilin qytet Mitrovica është e binjakëzuar.
Gjatë takimit është diskutuar për mundësitë e bashkëpunimit ndërinstitucional dhe realizimin e projekteve të përbashkëta.

Kryetari Hamza e ka falënderuar delegacionin turk për vizitën duke potencuar që shteti turk është një mbështetës i mirë i Kosovës, ndërsa kryebashkiaku Taban mbetet një mik i mirë i Mitrovicës.

Delegacioni nga Turqia po qëndron në Mitrovicë, në kuadër të manifestimit për shënimin e Ditëve të Diasporës.