Mitrovicë: Hamza ka pritur në takim përfaqësues të KFOR-it amerikan

Kryetari i komunës së Mitrovicës, Bedri Hamza, ka pritur në takim zëvendëskomandantin e Komandës Regjionale-Lindje, kolonel Paul Judge dhe bashkëpunëtorët e tij.

Në takim u ritheksua rëndësia e bashkëpunimit të ndërsjellë, në funksion të sigurisë dhe paqes për të gjithë qytetarët që jetojnë në Mitrovicë.

Kryetari Hamza ofroj bashkëpunimin e tij në implementimin e projekteve të përbashkëta dhe mbështetjen në nisma të cilat avancojnë aspektet e sigurisë në nivelin lokal.

Ndërsa, kolonel Paul Judge, pasi ka uruar kryetarin për detyrën e re, shprehu vullnet dhe gatishmëri në forcimin e bashkëpunimit të KFOR-it amerikan me Komunën e Mitrovicës.