Komuna e Mitrovicës shpërndan shporta të mbeturinave në fshatrat Vërnicë, Pirq dhe Vaganicë

Të mërkurën që vjen, banorët e fshatrave Vërnicë, Pirq dhe Vaganicë të Mitrovicës, do të pajisen me shporta të mbeturinave, ka bërë të ditur Drejtoria për Mjedis në Komunë.

“Drejtoria për Mbrojtje të Mjedisit njofton banorët e fshatrave të Mitrovicës, Vërnicë, Pirq dhe Vaganicë se me datë 12.04.2023, ditë e mërkurë, duke filluar nga ora 10:00-14:00, do të bëhet shpërndarja e shportave për mbeturina. Këto shporta do të ndahen për banorët e këtyre tri fshatrave të cilët kanë paraqitur kërkesë në Drejtorinë për Mbrojtje të Mjedisit, si dhe për ata të cilët kanë nevojë të pajisen me shporta të tilla. Lokacioni ku do të shpërndahen këto shporta është Impianti i Reciklimit të Mbeturinave në Frashër të Mitrovicës. ”

Drejtoria për Mbrojtje të Mjedisit ka thënë se do të vazhdojnë shpërndarjen e shportave edhe për disa lagje dhe fshatra tjera të komunës.