Komuna e Mitrovicës pranon donacion 500 pako ushqimore

Komuna e Mitrovicës pranon donacion 500 pako ushqimore

Gjatë ditës së sotme, Komuna e Mitrovicës ka pranuar donacion nga Ambasada e Katarit në Tiranë, 500 pako ushqimore për familjet në nevojë.

Gjatë shpërndarjes së këtyre pakove, të pranishëm ishin, drejtoresha e Drejtorisë për Mirëqenie Sociale, znj. Drita Ibrahimi, diplomat nga Ambasada e Katarit, përfaqësues autoritativ të “Qatar Charity” dhe përfaqësues nga pesidenca.

Drejtoresha e Drejtorisë për Mirëqenie Sociale, znj. Drita Ibrahimi, ka shprehur falenderimin për kontributin e Ambasadës së Katarit, duke theksuar rëndësinë e ndihmës së tyre për familjet në nevojë, veçanërisht gjatë muajit të shenjtë të Ramazanit.

Ky veprim i Ambasadës së Katarit thekson përkushtimin e tyre të vazhdueshëm për të kontribuar në mirëqenien dhe solidaritetin ndërkombëtar, ndërsa gjithashtu thekson rëndësinë e bashkëpunimit dhe ndarjes së vlerave njerëzore.