Hamza priti në takim ambasadorin britanik Hargreaves

Gjatë këtij takimi u diskutua për zhvillimet e fundit politike në vend, si dhe për nevojën e krijimit të institucioneve të reja në nivelin qendror, me qëllim të forcimit të funksionimit demokratik dhe institucional të shtetit.

Kryetari Hamza vlerësoi lart mbështetjen që Mbretëria e Bashkuar i ka dhënë dhe vazhdon t’i japë Kosovës në faza të rëndësishme të shtetndërtimit dhe zhvillimit demokratik.

“Britania e Madhe është partnere strategjike e Kosovës dhe i jemi shumë mirënjohës për mbështetjen e vazhdueshme të saj”, theksoi kryetari Hamza, duke shtuar se kjo marrëdhënie e fortë është thelbësore për të ardhmen e vendit tonë.