Drejtoria për Shëndetësi pranon donacion me pajisje shëndetësore në vlerë prej 25 mijë euro

Drejtoria për Shëndetësi pranon donacion me pajisje shëndetësore në vlerë prej 25 mijë euro

Drejtoria për Shëndetësi, sot ka pranuar një donacion nga shoqata “Nëna Terezë” me seli në Namur të Belgjikës, falë iniciativës së dy mërgimtarëve tanë z. Basrush Brahimi nga fshati Kçiqi i Madh dhe z. Haki Latifi nga Koshtova.

Ky donacion përmbante rreth 40 karroca invalidore dhe një ashensor për bartjen e pacientëve të palëvizshëm, që ka vlerën e rreth 25 mijë euro.

Drejtori për Shëndetësi, z. Fahri Shabani, gjatë pranim- dorëzimit të këtij donacioni ka falënderuar donatorët për dhurimin e këtij donacioni të rëndësishëm, duke thënë se do të ketë ndikim në lehtësimin e punës së Qendrave të Mjekësisë Familjare, të cilat do të pajisen me këto karroca.

Po ashtu ai theksoi se një pjesë e këtyre karrocave do të jepen në shfrytëzim për qytetarët të cilët nuk kanë mundësi të sigurojnë karrocë invalidore.

Në fund si shenjë falënderimi, Drejtoria për Shëndetësi, ndau mirënjohje për të gjithë ata që kanë kontribuar në dhurimin e këtij donacioni.