Lajme

Drejtoria e Inspekcionit ngrit kallëzim penal ndaj kompanisë e cila shtroi asfalt në parkun e qytetit në Mitrovicë

  • 28/10/2021
  • By RTV Mitrovica
Share

Lidhur me asfaltin e vendosur në parkun e qytetit në Mitrovicë, Drejtoria e Inspekcionit njofton qytetarët se Inspektorët komunal posa kanë marrë informatën për fillimin e punimeve në atë pjesë, ditën e dielë menjëherë kanë dalë në vendin e ngjarjes së bashku me Policinë.
Drejtoria e Inspekcionit për çështjen e lartpërmendur bën të ditur se kompania ka poseduar leje vetëm për vendosjen e gypave të ujit dhe të kanalizimit në atë pjesë të parkut.
“Të dielën, kur kemi pa që po tenton të shtroj rrugë, inspektorët përgjegjës e kanë bllokuar punën duke vendosur shiritat. Mirëpo kompania e ka kryer natën asfaltimin. Sot i kemi ngritur kallëzim penal, dhe do të vazhdojmë me procedura tjera që parasheh ligji”, janë shprehur nga Drejtoria e Inspekcionit.
Po ashtu, Drejtoria e Inspekcionit siguron qytetarët që parku do kthehet në gjendjen e mëparshme, thuhet në njoftimin e Drejtorisë.