Drejtori Maxhuni viziton Drejtorinë Rajonale të Policisë në Mitrovicë

Foto: Komuna e Mitrovicës

Drejtori i Drejtorisë për Mbrojtje dhe Shpëtim, Bahtir Maxhuni, ka realizuar një vizitë në Drejtorinë Rajonale të Policisë në Mitrovicë ku është pritur nga major, Avni Zabeli dhe Shemsi Igrishta.

Qëllimi i këtij takimi ishte identifikimi i pikave kritike e të rreziqeve në komunën e Mitrovicës, me qëllim të ofrimit të sigurisë për të gjithë qytetarët e Mitrovicës dhe parandalimit të dukurive negative.

Me këtë rast, drejtori Maxhuni ka ofruar gatishmërinë komunale për të thelluar bashkëpunimin me Policinë e Kosovës dhe akterët e tjerë të linjës, në mënyrë që së bashku të kontribuojnë në krijimin e një klime të sigurtë për të gjithë.