Drejtori Maxhuni dhe komandanti Xhosha vlerësojnë se gjendja e sigurisë në Mitrovicë është e qetë dhe stabile

Drejtori Maxhuni dhe komandanti Xhosha vlerësojnë se gjendja e sigurisë në Mitrovicë është e qetë dhe stabile

Drejtori i Drejtorisë për Mbrojtje dhe Shpëtim, Bahtir Maxhuni, gjatë ditës së sotme ka vizituar komandantin e Stacionit Jugor të Policisë në Mitrovicë, Ahmet Xhosha.

Gjatë këtij takimi është biseduar për gjendjen e sigurisë në Komunën e Mitrovicës si dhe bashkëpunimin në mes të dy institucioneve, ku u vlerësua se aktualisht gjendja e përgjithshme në këtë komunë është stabile dhe e qetë.

Komandanti Xhosha dhe drejtori Maxhuni treguan gatishmëri në rritje dhe intensifikim të bashkëpunimit në mënyrë që Komuna e Mitrovicës të jetë model në krijimin e një mjedisi të sigurt për të gjithë qytetarët e saj.