Dhurata për nxënësit e shkollave në Selac e Kaçanoll

Nënkryetari i komunëssë Mitrovicës, Arian Tahiri, të enjten ka vizituar shkollën fillore të mesme të ulët “Dëshmorët e Kaçanollit” në fshatin Kaçanoll, si dhe shkollën “Bislim Halimi” në fshatin Selac të Mitrovicës.

Me mësimdhënësit e këtyre shkollave ka bashkëbiseduar për kushtet dhe vështirësitë që i kanë hasur ata përgjatë këtij viti.

Përveç vizitës nënkryetari Tahiri u ka shpërndarë dhurata të gjithë nxënësve për nder të festës së Vitit të Ri, duke u uruar atyre një vit më të mbarë dhe me plotë suksese të arritura.