Barnatorja Qendrore e QKMF-së në Mitrovicë fillon shërbimet edhe në ndërrimin e pasdites

Barnatorja Qendrore e QKMF-së në Mitrovicë fillon shërbimet edhe në ndërrimin e pasdites

Me qëllim të përmirësimit të vazhdueshëm të shërbimeve shëndetësore për qytetarët, Drejtoria për Shëndetësi në bashkëpunim me menaxhmentin e QKMF-së “Dr. Nexhat Çuni” kanë vendosur që nga dita e sotme Barnatorja Qendrore e QKMF-së të punojë edhe gjatë ndërrimit të pasdites.

Drejtori i Drejtorisë për Shëndetësi, z.Fahri Shabani, tha se kjo barnatore është furnizuar mirë me barna dhe përfshin të gjithë artikujt e Listës Esenciale të barnave.

“Cilësia dhe siguria e barnave të cilat qytetarët mund ti marrin falas është e garantuar dhe në nivel të të gjitha standardeve bashkëkohore medicinale”, është shprehur ndër të tjerash drejtori z.Shabani.