AMF në Kçiq të Madh edhe me shërbimeve stomatologjike

Ambulanta e Mjekësisë Familjare në Kçiq të Madh tani do të ofroj edhe shërbime stomatologjike për banorët e këtij lokaliteti.

Kështu ka bërë të ditur drejtori për Shëndetësi në Komunën e Mitrovicës, Fahri Shabani, pas vizitës që i bëri kësaj ambulante.

Drejtori Shabani tha se ofrimi i shërbimeve stomatologjike për banorët e këtij fshati është realizim i kërkesës dhe nevojës së kamotshme të këtij komunitetit, si dhe një vlerë e shtuar në shërbimet shëndetësore të Kujdesit Parësor Shëndetësor të Mitrovicës.

“Drejtoria e Shëndetësisë dhe ekipi i Kujdesit Parësor Shëndetësor të Mitrovicës mbeten të përkushtuar në angazhimet për përmirësimin e vazhdueshëm të cilësisë së shërbimeve shëndetësore për qytetarët”, ka thënë ndër tjerash drejtori z.Shabani.

Ndryshe ambulanta në Kçiq është në mesin e disa ambulantave tjera në komunë që sëfundmi është renovuar nga Komuna e Mitrovicës.