Drejtoria e Shëndetësisë nënshkruan marrëveshje bashkëpunimi me Organizatën AMC

Drejtoria e Shëndetësisë nënshkruan marrëveshje bashkëpunimi me Organizatën AMC

Sot, drejtori i Drejtorisë për Shëndetësi z.Fahri Shabani, ka pritur në takim drejtorin e Organizatës AMC – Aksioni për Nëna dhe Fëmijë, z. Vlorian Molliqaj.

Ky takim rezultoi me thellimin e bashkëpunimit në mes të këtyre akterëve kështu duke nënshkruar marëveshjen e bashkëpunimit për implementimin e projektit të radhës “Kujdesi për gratë shtatëzëna dhe nënat e reja para dhe pas lindjes të bazuar në evidencë: Kujdesi grupor në 1000 ditët e para”.

Ky projekt financohet nga nga Bashkimi Evropian përmes programit Horizon 2020 dhe implementohet nga organizata Action for Mothers and Children (AM) bashkë me Drejtoritë Komunale tē Shëndetësisë dhe Komuna e Mitrovicës është njëra nga komunat përfituese.

Si rezultat i këtij bashkëpunimi Qendra Kryesore e Mjekësisë Familjare “Dr.Nexhat Çuni” e Mitrovicës do të jetë pjesë integrale e ofrimit të shërbimeve të këshillimit shëndetësor para dhe pas lindjes për shtatzënat dhe nënat e reja në formë grupore, trajnimin e stafit që do të jenë përgjegjës për ofrimin e këtyre shërbimeve, kompletimin e hapësirës me pajisjet e nevojshme për implementimin e suksesshëm të projektit e gjithashtu edhe asistencë teknike për vazhdimin projektit.