Donatorët ndihmojnë komunën me pako ushqimore dhe higjienike

Donatorët ndihmojnë komunën me pako ushqimore dhe higjienike

Për shkak të situatës së krijuar nga vërshimet, donatorë të ndryshëm vazhdojnë të mbështesin Komunën e Mitrovicës, me qëllim që të ndihmohen familjet që kanë pësuar dëme nga vërshimet.

Komuna e Mitrovicës këto ditë ka pranuar ndihma kualitative nga përfaqësues të Shoqatës Humanitare “Medvegja” me seli në Zvicër dhe nga një qytetar z. Ibrahim Abdullahu nga fshati Vranidolli i Komunës së Podujevës.

Shoqata “Medvegja” ka sjell 20 pako ushqimore dhe higjienike, ndërkaq qytetari nga Podujeva ka dhuruar 1000 kg miell të cilat janë shpërndarë për familjet e prekura nga vërshimet në Lagjen e Boshnjakëve.

Komuna e Mitrovicës falënderon të gjithë donatorët të cilët po iu dalin në ndihmë familjeve që kanë pasur dëme në shtëpitë e tyre nga vërshimet.