KRU “Mitrovica” qytetarëve: rezervoni ujë, reshjet mund të përkeqsojnë furnizimin e rregullt

KRU “Mitrovica” qytetarëve: rezervoni ujë, reshjet mund të përkeqsojnë furnizimin e rregullt

Ujësjellësi Rajonal Mitrovica ka njoftuar se furnizimi me ujë të pijshëm në pjesën më të madhe të rajonit momentalisht është i kënaqshëm.

Megjithatë parashikimet për reshje edhe në ditët në vazhdim mund të sjellin telashe për furnizim të rregullt me ujë për qytetarët.

“Duke pasur parasysh parashikimet nga Instituti Hidrometorologjik i Kosovës dhe faktit se prap priten reshje atmosferike, rekomandojmë konsumatorët që të sigurojnë rezerva të ujit si për pije ashtu edhe për nevoja tjera shtëpiake, pasi që kthimi i reshjeve do të mund ndikonte në furnizimin normal me ujë të pijes,” thuhet në një njoftim të Kompanisë.

Ndryshe në disa lokalitete në Mitrovicë uji nuk u lëshua fare për shkak të problemeve të shkaktuara nga vërshimet e së enjtes.