Në 26-vjetorin e tij të rënies përkujtohet heroi Mehë Uka

Në 26-vjetorin e tij të rënies përkujtohet heroi Mehë Uka

Nënkryetari i Komunës së Mitrovicës, z. Arian Tahiri, i shoqëruar nga drejtori për Siguri dhe Emergjenca, z. Bahtir Maxhuni, z. Rafet Ibishi, kryetar i OVL së UÇK-së si dhe përfaqësuesit nga shoqatat e dala nga lufta e UÇK-së, kanë vendosur buqeta me lule të freskëta te shtatorja e heroit të kombit, Mehë Uka, në sheshin e qytetit, me rastin e 26-vjetorit të rënies së tij heroike, për të vazhduar më pas edhe me homazhe tek varri i Heroit në Bajgorë.

Përmes këtyre homazheve, përfaqësuesit komunal kanë përkujtuar sakrificën sublime të heroit të kombit Mehë Uka, i cili dha jetën e tij për lirinë dhe pavarësinë e vendit tonë.

Ndërsa, nënkryetari i komunës, z. Arian Tahiri, ka theksuar se sot së bashku me përfaqësues komunal, familjarë të dëshmorit si dhe shoqatat e dala nga lufta e UÇK-së, përkujtojmë sakrificën dhe veprën e tij për liri dhe pavarësi, si dhe luftën e pastër të Ushtrisë Çlirimtare të Kosovës.

“Lavdi heroit Mehë Uka, lavdi të gjithë dëshmorëve të kombit”, është shprehur nënkryetari Tahiri