Organizata e DRC-së dhe DPU realizojnë investime në lagjen “Adem Voca”

Organizata e DRC-së dhe DPU realizojnë investime në lagjen “Adem Voca”

Drejtori i Drejtorisë për Planifikim dhe Urbanizëm, z. Edison Tërnava, gjatë ditës së sotme ka qëndruar për vizitë në lagjen “Adem Voca”, respektivisht në Lagjen e Romëve në Mitrovicë, për të parë më afër realizimin e projektit të përbashkët në mes të Komunës së Mitrovicës dhe organizatës Danish Refugee Council (DRC).

Më këtë rast, drejtori Tërnava ka theksuar se Komuna e Mitrovicës falë bashkëpunimit të mirë me organizatën e DRC-së, në lagjen “Adem Voca” po realizohen investime infrastrukturore në disa rrugë të kësaj lagjeje duke përfshirë këtu edhe rregullimin e fushës sportive.

Më tutje drejtori z. Tërnava bëri të ditur se ky projekt po realizohet falë mbështetjes financiare të organizatës “Danish Refugee Council”.

Po ashtu drejtori i DPU-së, z. Tërnava ka potencuar se ekziston vullnet komunal në realizim e projekteve të cilat sigurojnë mirëqenie më të mirë për të gjitha komunitetet që jetojnë në Mitrovicë.