Telegram ngushëllimi me rastin e vdekjes së mësuesit të shkollës së Selacit, Ukshin Tahiri

Telegram ngushëllimi me rastin e vdekjes së mësuesit të shkollës së Selacit, Ukshin Tahiri

Kryetari i komunës, Bedri Hamza, i shpreh ngushëllime familjes dhe të afërmve për vdekjen e mësuesit, Ukshin Tahiri.

E nderuara familje Tahiri,

Me dhimbje të thellë morëm lajmin për vdekjen e më të dashurit tuaj, Ukshin Tahirit, mësimdhënës në shkollën fillore “Bislim Halimi” në fshatin Selac.

Ukshin Tahiri pa dyshim që dha shembullin e njeriut të përkushtuar në profesionin e mësuesit. Kontributi i tij do të jetë pjesë e rëndësisë së veçantë në historinë e arsimit në komunën tonë.

Nuk do të harrohet as kontributi i dhënë përgjatë viteve 1998-1999 si pjesëtar i Ushtrisë Çlirimtare të Kosovës, në Zonën Operative të Shalës.

Në emër të Komunës së Mitrovicës, shpreh ngushëllimet e mija më të sinqerta me rastin e kalimit në amshim të familjarit tuaj.

I përjetshëm qoftë kujtimi për të.