Sekuestrohet një armë në Dumnicë të Vushtrrisë

Policia në Vushtrri ka sekuestruar një armë që dyshohet se u përdor në një aheng familjar në fshatin Dumnicë.

Një person është intervistuar dhe ndaj tij është iniciuar rast për vepër penale “Mbajtje në pronësi, kontroll ose posedim i paautorizuar i armës dhe përdorim i armës”, njofton policia.

“Në orët e mbrëmjes të datës 31 mars 2022, në Stacionin Policor Vushtrri, është raportuar për të shtëna me armë zjarri në fshatin Dumnicë.Me t’ pranuar informacionin janë ndërmarrë veprime të shpejta policore, ku pas një kohe të shkurtër njësitet policore kanë identifikuar vendin nga ku ishin dëgjuar të shtënat, me ç’ rast në vendin e ngjarjes ku kishte aheng familjar në cilësi të provës amteriale fillimisht është gjetur një gëzhoj, ndërsa nga personi i dyshuar është sekuestruar një armë e llojit pistoletë. Në cilësi të të dyshuarit për të shtëna me armë është intervistuar: M. S., 56 vjeçar, shtetas të Republikës së Kosovës. Pas intervistimit, me urdhër të prokurorit të rastit i dyshuari është liruar në procedurë të rregullt. Ndaj tij është iniciuar rast për veprën penale “Mbajtje në pronësi, kontroll ose posedim i paautorizuar i armës dhe përdorim i armës”,” thuhet në njoftimin e policisë.