Thirrja e mbledhjes së 6-të të KK-së

KUVENDI I KOMUNËS SË MITROVICËS SË JUGUT

Nr. 02-060/01-0027053/22 dt. 21.03.2022

Mitrovicë

Në zbatim të nenit 43, të Ligjit Nr. 03/L-040 Për vetëqeverisje lokale; nenit 3, paragrafi 1, nënparagrafi 1.2, dhe nenit 5, të Udhëzimit Administrativ (MAPL) Nr. 02/2015 për mbajtjen e mbledhjeve të Kuvendit të Komunës; nenit 50, paragrafi 1, nënparagrafi 1.2, dhe nenit 52, paragrafi 1, të Statutit të Komunës së

Mitrovicës; Kryesuesja e Kuvendit të Komunës për të mërkurën më dt. 30.03.2022:

T H Ë R R E T

Mbledhjen e rregullt të Kuvendit të Komunës

Seanca e 6-të

Mbledhja do të ketë këtë:

REND DITE:

1. Miratimi i procesverbalit nga mbledhja e kaluar

2. Propozim-vendim për plotësim-ndryshimin e Vendimit të Kuvendit të Komunës Nr. 02-060/01-0010189/22-3 dt. 16.02.2022 Për miratimin e Buxhetit të Komunës së Mitrovicës së Jugut për vitin 2022 dhe parashikimi për vitet 2023-2024

3. Propozim-vendim për shfuqizimin e pjesshëm, plotësimin dhe ndryshimin e Vendimit të Kuvendit të Komunës Nr. 02-060/01-0074246/20-20 dt. 26.11.2020

4. Propozim-vendim për zëvendësimin e anëtarit të Komitetit për Arsim, Kulturë, Rini dhe Sport

5. Propozim-vendim për zëvendësimin e anëtarit të Komitetit për Barazi Gjinore

6. Propozim-vendim për zëvendësimin e anëtarit të Komitetit për Planifikim Urban, Kadastër, Pronë dhe Mbrojtje të Ambientit

7. Propozim-vendim për zëvendësimin e anëtarit të Komitetit për Shëndetësi dhe Mirëqenie Sociale

8. Propozim-vendim për caktimin e lartësisë së qirasë joprofitabile për shtëpitë e banimit në Frashër

9. Propozim-vendim për miratimin paraprak të Vendimit për publikimin e listës së përgjithshme të pronave të paluajtshme të Komunës, si dhe listën e veçantë të pronave të cilat planifikohen për dhënien në shfrytëzim apo këmbim për vitin vijues 2022

10. Propozim-vendim për formimin e Grupit punues për hartimin e Draft-Rregullores Komunale për caktimin e orarit të punës për subjektet afariste në Komunë (Rregullorja Komunale ekzistuese Nr. 03/2014) Për caktimin e orarit të punës për subjektet afariste në Komunë

11. Dorëheqja e z. Irfan Krasniqi nga pozita e anëtarit të Komitetit për Komunitete

12. Plani i punës së Kryetarit të Komunës për vitin 2022

13. Plani komunal për menaxhim të mbeturinave 2022-2026

14. Plani lokal i veprimit në mjedis 2022-2026

15. Raporti financiar për periudhën janar-dhjetor 2021

16. Raporti periodik për zbatimin e rekomandimeve të dhëna në Raportin e Auditimit nga ZKA

Mbledhja do të mbahet në Sallën e Kuvendit duke filluar nga ora 10:00.

Mitrovicë Kryesuesja e Kuvendit

             Vesa BROJA