67 aparate për prodhimin e kriptovalutave sekuestrohen nga policia në Mitrovicë

Policia e Kosovës ka njoftuar se në një lokacion në rrugën “Fan Noli” në Jug të Mitrovicës janë gjetur dhe sekuestruar 67 aparate të lidhura me pajisje elektrike dhe internet që dyshohen se përdoreshin për prodhimin e kriptovalutave.

Për pajisjet e gjetura dhe veprimtarinë e kundërligjshme hetuesit policor kanë identifikuar personin e dyshuar.

Lidhur me veprimet e ndërmarra dhe pajisjet e sekuestruara është njoftuar prokuroi i çështjes i cili ka sugjeruar që për veprime të mëtejme hetimore lidhur me rastin dhe pajisjet e sekuestruara të merren autoritetet doganore, thuhet në njoftimin e policisë.