26 vjet nga rënia e heroit Xhevat Jusufi

Në 26 vjetorin e rënies u përkujtua sot heroi i Kosovës Xhevat Jusufi.

Përfaqësues institucionesh, bashkëluftëtarë e qytetarë të shumtë u mblodhën në nderim të heroit për të bërë homazhe tek vendi ku u vra 26 vjet më parë në Smrekonicë të Vushtrrisë.

Të pranishëm në këtë përvjetor ishin edhe kryesuesja e kuvendit komunal të Mitrovicës Vesa Broja, drejtorët e drejtorive komunale së bashku me përfaqësues të shoqatave të dala nga lufta e UÇK-së.

Përfaqësuesit komunal vlerësuan lartë kontributin dhe vepren e heroit Xhevat Jusufi, në luftën për liri dhe pavarësinë e vendit.

Xhevat Jusufi ishe komandant për logjistikë i UÇK-së në Zonën Operative të Shalës. U vra më 03 Janar 1999 në Smrekonicë të Vushtrrisë.